તમારો WhatsApp પિન ભૂલી ગયા છો, તમારું એકાઉન્ટ કેવી રીતે એક્સેસ કરવું તે જાણો

WhatsApp તમને ટુ-સ્ટેપ વેરિફિકેશનનો વિકલ્પ આપે છે જે તમારા WhatsApp એકાઉન્ટને વધુ સુરક્ષિત બનાવે છે. ટુ-સ્ટેપ વેરિફિકેશન (ટુ ફેક્ટર ઓથેન્ટિકેશન તરીકે પણ ઓળખાય છે) સાથે, જો કોઈ તમારા ઉપકરણની ઍક્સેસ મેળવે તો તમે તમારા એકાઉન્ટમાં સુરક્ષાનું વધારાનું સ્તર ઉમેરશો. ટુ-સ્ટેપ વેરિફિકેશન સેટ કર્યા પછી, જ્યારે તમે તમારા સ્માર્ટફોન પર WhatsApp ખોલો છો, ત્યારે તમારે તમારા એકાઉન્ટને એક્સેસ કરવા માટે છ નંબરનો પિન દાખલ કરવો પડશે.

જ્યારે તમે ટુ-સ્ટેપ વેરિફિકેશનને ઇનેબલ કરો છો, ત્યારે તમારી પાસે તમારું ઈમેલ એડ્રેસ દાખલ કરવાનો વિકલ્પ હોય છે. જો તમે ક્યારેય તમારો પિન ભૂલી જાઓ તો આનાથી WhatsApp તમને રીસેટ લિંક ઈમેલ કરી શકે છે અને તમારા એકાઉન્ટને સુરક્ષિત રાખવામાં પણ મદદ કરે છે. જો તમે ક્યારેય તમારો WhatsApp પિન ભૂલી જાઓ છો, તો તમે આ પગલાંને અનુસરીને તેને રીસેટ કરી શકો છો. ઉપરાંત, અહીં એ નોંધવું અગત્યનું છે કે પ્રક્રિયા iPhone અને Android બંને ડિવાઈસ માટે સમાન છે.

આ રીતે પિન રીસેટ કરો

• સૌથી પહેલા તમારા સ્માર્ટફોનમાં WhatsApp ઓપન કરો.
• હવે પિન ભૂલી ગયા છો? વિકલ્પ પર ટેપ કરો.
• હવે સેન્ડ ઈમેલ પર ટેપ કરો. હવે તમારા રજિસ્ટર્ડ ઈમેલ પર રીસેટ લિંક પ્રાપ્ત થશે.
• હવે ઇમેઇલમાં રીસેટ લિંકને ફોલો અને પુષ્ટિ કરો.
• હવે WhatsApp એપ ખોલો.
• હવે Forget Pin પર ટેપ કરો.
• હવે PIN રીસેટ કરો.

તમારે નોંધવું જોઈએ કે WhatsApp કાઢી નાખવા અથવા પુનઃસ્થાપિત કરવાથી ટુ-સ્ટેપ વેરિફિકેશન માટે PIN ડિસેબલ કે રીસેટ થશે નહીં. જો તમે PIN રીસેટ કરવા માટે ઈમેલ એડ્રેસ આપ્યું નથી અથવા તમે તમારા એકાઉન્ટમાં PIN રીસેટ કરવા માટે ઉપયોગમાં લેવાતા ઈમેલ એડ્રેસને એક્સેસ કરી શકતા નથી, તો તમે સાત દિવસ પછી જ તમારો ટુ સ્ટેપ વેરિફિકેશન પિન રીસેટ કરી શકશો. વોટ્સએપના જણાવ્યા મુજબ, યુઝર્સ પાસે 7-દિવસની સમયમર્યાદા વધારવાનો અથવા એક વખત ટુ-સ્ટેપ વેરિફિકેશન સક્ષમ થયા પછી તેમના એકાઉન્ટને ડિસેબલ કરવાનો કોઈ વિકલ્પ નથી.