Honor killing: અન્ય ધર્મની યુવતી સાથે પ્રેમ કરનાર હિન્દુ યુવકને મોતને ઘાટ ઉતારી દેવાયો

ગુજરાતના રાજકોટમાં હૈદરાબાદ જેવી ઘટના બની છે. થોડા દિવસો પહેલા હૈદરાબાદમાં રસ્તા વચ્ચે એક યુવકની હત્યા કરવામાં આવી હતી. તેનો વાંક માત્ર એટલો જ હતો કે તેણે અન્ય ધર્મની છોકરી સાથે લગ્ન કર્યા હતા. હવે આવો જ એક કિસ્સો રાજકોટમાં સામે આવ્યો છે. અહીંયા 22 વર્ષીય મિથુન ઠાકુરને માર મારવામાં આવ્યો હતો. તેનો પણ વાંક એ હતો કે તેણે 18 વર્ષની સુમૈયા કાદીવારના પ્રેમમાં હતો.

મળતી માહિતી મુજબ મૂળ બિહારનો વતની મિથુન ઠાકુર રાજકોટમાં રહેતો હતો અને સ્થાનિક કારખાનામાં કામ કરતો હતો. તે જંગલેશ્વર મેઈન રોડ પર આવેલી રાધાકૃષ્ણ સોસાયટીમાં રહેતો હતો. 18 વર્ષની સુમૈયા કાદિવાર પણ આ જ સોસાયટીમાં રહેતી હતી. બંને વચ્ચે છેલ્લા કેટલાક મહિનાઓથી પ્રેમસંબંધ ચાલી રહ્યો હતો. બંને વચ્ચે પ્રેમ વધ્યો અને તેઓએ લગ્ન કરવાનું નક્કી કર્યું.

મોત પહેલા થઇ હતી લડાઇ

મળતી માહિતી મુજબ સોમવારે મિથુન ઠાકુરે સુમૈયાને ફોન કર્યો હતો. આ ફોન સુમૈયાના ભાઈ સાકિરે ઉપાડ્યો હતો. આ પછી બંને વચ્ચે ઘણો ઝઘડો થયો હતો. થોડા સમય બાદ સાકીર અન્ય ત્રણ સાથે મિથુનના ઘરે પહોંચ્યો હતો. આ પછી બધાએ મળીને મિથુનને માર માર્યો હતો.

સુમૈયાએ પણ પોતાનું કાંડું કાપી નાખ્યું

માર માર્યા બાદ સાકીર મિથુનના ઘરની બહાર આવ્યો હતો. જ્યારે પડોશીઓએ મિથુનને બેભાન જોયો તો તેને હોસ્પિટલમાં દાખલ કરવામાં આવ્યો. જ્યાં બ્રેઈન હેમરેજને કારણે તેનું મોત થયું હતું. જ્યારે સુમૈયાને આ વાતની જાણ થઈ તો તેણે પણ પોતાનું કાંડું કાપીને આત્મહત્યા કરવાનો પ્રયાસ કર્યો હતો. આ પછી સુમૈયાને પણ હોસ્પિટલમાં દાખલ કરવામાં આવી છે.