કાજલ મહેરિયાના નામે કોર્ટમાં ડિવોર્સની અરજી, જાણો સમગ્ર વિવાદ અને વિગત

મહેસાણાની પ્રખ્યાત સિંગર કાજલ મહેરિયાના ડિવોર્સની અરજીને પગલે સોશિયલ મીડિયા પર ભારે ચર્ચા જાગી છે. ફેમિલી કોર્ટમાં દાખલ થયેલી આ છૂટાછેડાની અરજીમાં પારિવારિક વિવાદ અને અંગત કારણો સામે આવ્યા છે. આ હાઈ-પ્રોફાઈલ કેસને લઈને ચાહકો અને સ્થાનિક લોકોમાં ભારે ઉત્સુકતા જોવા મળી રહી છે. જાણો શું છે આખો વિવાદ અને કોર્ટમાં સિંગર દ્વારા શું કાનૂની દલીલો રજૂ કરવામાં આવી છે.

સોશિયલ મીડિયા પર ચાહકોની પ્રતિક્રિયા

આ સમાચાર વાયરલ થતાં જ સોશિયલ મીડિયા પ્લેટફોર્મ પર સિંગર મહેરિયાના ચાહકો આશ્ચર્ય વ્યક્ત કરી રહ્યા છે. તેના ગીતો પર લાખો વ્યુઝ મેળવનારી આ સિંગરના અંગત જીવનમાં આવેલા આ તોફાનને કારણે મ્યુઝિક ઈન્ડસ્ટ્રીમાં પણ સન્નાટો વ્યાપી ગયો છે. કોર્ટ આગામી દિવસોમાં આ કેસની સુનાવણી હાથ ધરે તેવી શક્યતા છે, જેમાં બંને પક્ષોને પોતાના નિવેદનો નોંધાવવા માટે સમન્સ જારી કરવામાં આવી શકે છે.

અજ્ઞાત વ્યક્તિએ ડિવોર્સ ફાઈલ કર્યા

ગુજરાતની લોકપ્રિય સિંગર કાજલ મહેરિયા ફરી એકવાર ભારે ચર્ચામાં આવી છે. કારણ કે તેના નામે કોઈક અજાણી વ્યક્તિએ છૂટાછેડાની અરજી કરી દીધી છે. મહેસાણાની ફેમિલી કોર્ટમાં જ્યારે આ અરજી પર સુનાવણી થઈ અને કાજલ મહેરિયા તેમજ તેના પતિ અલ્પેશ ઠાકોરને નોટિસ મળી, જ્યારે આ વાતનો ભાંડો ફૂટ્યો.

હવે, કાજલ મહેરિયા વતી ફેમિલી કોર્ટમાં કોણે છૂટાછેડાની અરજી કરી છે તેને લઇને પણ મોટું રહસ્ય સર્જાયું છે. ચોંકાવનારી વાત એ છે કે આ છૂટાછેડાની અરજી ખુદ કાજલ મહેરિયા કે તેના પતિએ કરી જ નથી. કોઈ અજાણ્યા ભેજાબાજ વ્યક્તિ દ્વારા કોર્ટમાં આવી અરજી આપી દેવામાં આવી હતી. કાજલના નામે થયેલી આ ફેક અરજી કોર્ટના બોર્ડ પર આગળની સુનાવણી સુધી પણ પહોંચી ગઈ.