વડોદરાઃ ગુજરાતની 181 અભયમ હેલ્પલાઇનમાં એક એવો કિસ્સો સામે આવ્યો છે જેને સાંભળીને સૌ કોઇ આશ્ચર્યચકિત થઈ ગયા છે. આ હેલ્પલાઈન નંબર પર એક 87 વર્ષીય વૃદ્ધ અને બીમાર મહિલાએ ફોન કર્યો હતો, જે મહિલાઓની સમસ્યાઓનું નિરાકરણ કરે છે. વૃદ્ધ મહિલા તેના 89 વર્ષના હાયપરસેક્સ્યુઅલ પતિથી છુટકારો મેળવવા માટે મદદ માંગે છે. આરોપ છે કે વૃદ્ધ પતિ વારંવાર તેની પત્ની સાથે સંબંધ રાખવાની માંગ કરે છે, પરંતુ બીમાર પત્ની તેની ઇચ્છા પૂરી કરી શકતી નથી.
અભયમ હેલ્પલાઇનના અધિકારીએ કહ્યું, “બંને ઘણા વર્ષોથી સ્વસ્થ સંબંધ ધરાવે છે પરંતુ મહિલા એક વર્ષ પહેલા બીમાર પડી હતી અને પથારીમાંથી બહાર નીકળી શકતી નથી. પુત્ર અને પુત્રવધૂની મદદથી તે ભાગ્યે જ હલનચલન અને ચાલી શકે છે. અધિકારીએ કહ્યું કે આરોપી પતિ તેની પત્નીની સ્થિતિથી સારી રીતે વાકેફ છે તેમ છતાં તે તેના પર શારીરિક સંબંધ બાંધવાનું દબાણ કરે છે.
પોતાની ઈચ્છા પૂરી ન થતા પુરુષ પત્ની પર બૂમો પાડે છે
પત્નીના ના પાડવા પર રિટાયર્ડ એન્જીનીયર પતિ પત્ની અને પુત્ર સાથે મારપીટ કરે છે અને બૂમો પાડે છે જેના કારણે પડોશીઓ પણ મામલો થાળે પાડે છે. પિતાના ત્રાસથી પરેશાન પરિવારે અભયમની મદદ માંગી હતી.
અભયમના એક અધિકારીએ જણાવ્યું કે, “અમને બે દિવસ પહેલા એક ફોન આવ્યો હતો જેના પછી અમે તરત જ તેમના ઘરે પહોંચ્યા અને તે વ્યક્તિને મળ્યા હતા. અમે તેમને કહ્યું કે તમારી ઈમેજ ખરાબ થઈ રહી છે અને તમારી પત્ની પણ પરેશાન થઇ રહી છે.
અભયમ ટીમનું કાઉન્સેલિંગ
અભયમની ટીમે આરોપી પતિનું કાઉન્સેલિંગ કર્યું અને તેમને અન્ય બાબતો તરફ ધ્યાન દોરવા અને યોગ અને સિનિયર ક્લબમાં જોડાવા વિનંતી કરી હતી. અભ્યમના અધિકારીઓએ પરિવારના સભ્યોને વધુ કાઉન્સેલિંગ સત્રો યોજવા અને તેમને સેક્સોલોજિસ્ટ પાસે લઈ જવા સૂચન કર્યું છે.