યુક્રેનના રાષ્ટ્રપતિ NATO પર ખિજાતા કહ્યું- તમે જ રશિયાને બોમ્બમારો કરવા લીલી ઝંડી આપી દીધી

યુરોપના સૌથી મોટા ઝાપોરિઝિયા ન્યુક્લિયર પ્લાન્ટ પર રશિયાના કબજા બાદ વિશ્વમાં ખળભળાટ મચી ગયો છે. તમામ દેશો તેને એક મોટો પરમાણુ ખતરો માની રહ્યા છે. આવી સ્થિતિમાં નાટોએ પરમાણુ સશસ્ત્ર રશિયા સાથે સીધો મુકાબલો ટાળવા માટે યુક્રેનને નો-ફ્લાય ઝોન જાહેર કરવાનો ઇનકાર કરી દીધો છે. નાટોનું માનવું છે કે આ પગલું રશિયાને વધુ ઉશ્કેરી શકે છે અને ઘણા દેશો તેમાં કૂદી શકે છે જેનાથી સમગ્ર યુરોપમાં યુદ્ધ થશે.

નાટોના આ પગલાથી યુક્રેનના રાષ્ટ્રપતિ વોલોડીમિર ઝેલેન્સકી ગુસ્સે ભરાયા છે. ઝેલેન્સકીનું કહેવું છે કે આ પગલાથી રશિયાને લીલી ઝંડી મળી ગઈ છે કે તે યુક્રેનના શહેરો અને ગામડાઓ પર બોમ્બમારો ચાલુ રાખશે. ખરેખરમાં યુક્રેને નાટોને યુક્રેનને નો-ફ્લાય ઝોન જાહેર કરવાની અપીલ કરી હતી, જેથી રશિયન હુમલાને ટાળી શકાય. યુએસ સ્ટેટ સેક્રેટરીનું એમ પણ કહેવું છે કે યુક્રેનને નો-ફ્લાય ઝોન જાહેર કરવાનો અર્થ એ છે કે નાટોએ ત્યાં રશિયન વિમાનોની ઘૂસણખોરી રોકવા માટે તેના વિમાનો મોકલવા પડશે જેનાથી સમગ્ર યુરોપમાં યુદ્ધ થશે.

રશિયા અને યુક્રેન વચ્ચેનું યુદ્ધ દસમા દિવસમાં પહોંચી ગયું છે. આ દરમિયાન રશિયાએ યુક્રેનના ઘણા ભાગો પર કબજો જમાવી લીધો છે. શુક્રવારે પણ તેણે ઝાપોરિઝિયા ન્યુક્લિયર પ્લાન્ટનો કબજો મેળવી લીધો છે. યુરોપના આ સૌથી મોટા ન્યુક્લિયર પ્લાન્ટમાંથી યુક્રેનની લગભગ 25 થી 30 ટકા ઊર્જાનું ઉત્પાદન થતું હતું. રશિયાના આ પગલા પર ઝેલેન્સકીનું કહેવું છે કે ન્યુક્લિયર પ્લાન્ટ પર કબજો યુક્રેનનો ઈતિહાસ તેના વિકાસને રોકી શકે છે.

ન્યુક્લિયર પ્લાન્ટ પર રશિયાના કબજા બાદ પેન્ટાગોન દ્વારા ચેતવણી જારી કરવામાં આવી છે. પેન્ટાગોને આશંકા વ્યક્ત કરી છે કે આનાથી પરમાણુ સંઘર્ષ વધવાનો ભય છે. બીજી તરફ અમેરિકી રાષ્ટ્રપતિ જો બિડેનનું કહેવું છે કે તેઓ રશિયાના રાષ્ટ્રપતિ જો બાઇડેનને રોકવા માટે તમામ પ્રયાસો કરી રહ્યા છે અને તેમના પર આકરા પ્રતિબંધો પણ લગાવી રહ્યા છે.