યુદ્ધના 21મા દિવસે રશિયાનું વલણ નરમ, યુક્રેન સામેના યુદ્ધ અંગે આવી મોટી અપડેટ

રશિયા અને યુક્રેન વચ્ચેનું યુદ્ધ સતત 21મા દિવસે ચાલુ છે અને યુક્રેનના પ્રમુખના વરિષ્ઠ સહાયકનું કહેવું છે કે રશિયાએ સંભવિત ઉકેલ અંગેની વાટાઘાટોમાં પોતાનું વલણ નરમ પાડ્યું છે. યુક્રેનના રાષ્ટ્રપતિ વોલોડીમીર ઝેલેન્સકીના વરિષ્ઠ અધિકારી (ડેપ્યુટી ચીફ ઓફ સ્ટાફ) ઇહોર ઝોવકોવાએ જણાવ્યું હતું કે રશિયન અને યુક્રેનિયન પ્રતિનિધિઓ વચ્ચેની વાતચીત “વધુ રચનાત્મક” બની છે.

ઇહોર ઝોવકાવાએ કહ્યું કે રશિયાએ પોતાનો સૂર બદલ્યો છે અને યુક્રેનને આત્મસમર્પણ કરવાની માંગ કરવાનું બંધ કરી દીધું છે. તમને જણાવી દઈએ કે રશિયા વાટાઘાટોની શરૂઆતમાં જ આ માંગ (શરણાગતિ) પર આગ્રહ કરી રહ્યું છે. રશિયન અને યુક્રેનિયન વાટાઘાટકારો વચ્ચેનો વીડિયો કોલ આ મહિને બેલારુસમાં ત્રણ રાઉન્ડની વાટાઘાટો બાદ થયો હતો. ઝોવકોવાએ કહ્યું કે યુક્રેનિયન પ્રતિનિધિઓને વાટાઘાટો બાદ ઉકેલની થોડી આશા હતી. તેમણે કહ્યું કે મોટી પ્રગતિ કરવા માટે ઝેલેન્સ્કી અને રશિયન રાષ્ટ્રપતિ વ્લાદિમીર પુતિન વચ્ચે મુલાકાત કરવી જરૂરી છે.

યુક્રેનના રાષ્ટ્રપતિ વોલોડીમિર ઝેલેન્સકીએ તેમના ભાવનાત્મક ભાષણમાં કેનેડાને મદદ માટે અપીલ કરી છે. ઝેલેન્સકીએ મંગળવારે કેનેડિયનોને તેમના સમુદાયો પર બોમ્બ પડવાની કલ્પના કરવા કહ્યું. તેમણે કેનેડિયન સંસદ અને સરકારને રશિયા પર વધુ આર્થિક અને લશ્કરી દબાણ લાવવા વિનંતી કરી. ઝેલેન્સકીએ કેનેડાના વડા પ્રધાન જસ્ટિન ટ્રુડો અને ધારાસભ્યોને યુક્રેન પર નો-ફ્લાય ઝોન બનાવવામાં મદદ કરવા વિનંતી કરી.

વોલોડીમીર ઝેલેન્સ્કીએ કહ્યું, જસ્ટિન, શું તમે એવી પરિસ્થિતિની કલ્પના કરી શકો છો કે જ્યારે તમને અથવા તમારા બાળકોને ગંભીર વિસ્ફોટો, એરપોર્ટ બોમ્બ ધડાકા, ઓટાવા એરપોર્ટ બોમ્બ ધડાકાના અવાજો સાંભળવા પડે. જ્યારે તમને રોજેરોજ જાનહાનિની ​​માહિતી મળે છે. કેનેડિયન ધારાશાસ્ત્રીઓએ તેમના સંબોધન પહેલાં ઊભા રહીને તેમનું સ્વાગત કર્યું.

ઝેલેન્સકીએ કહ્યું, ‘ટોરોન્ટોના પ્રખ્યાત સીએન ટાવર પર જ્યારે રશિયન બોમ્બ ફેંકવામાં આવે ત્યારે શું તમે પરિસ્થિતિની કલ્પના કરી શકો છો. પણ આ આપણી વાસ્તવિકતા છે. તેમણે માનવતાવાદી અને લશ્કરી સમર્થન માટે કેનેડાનો આભાર માન્યો અને દેશને એક મજબૂત સાથી ગણાવ્યો. કેનેડાની સંસદમાં ઝેલેન્સકીનો વીડિયો મોટી સ્ક્રીન પર રજૂ કરવામાં આવ્યો હતો.