‘માર્યા ગયા બાળકો, સ્કુલ થઇ તબાહ…હોસ્પિટલ ધ્વસ્ત’, યુક્રેનમાં રશિયા હુમલા પર અમેરિકાએ કહ્યું કે…

યુક્રેન અને રશિયા વચ્ચે યુદ્ધ અવિરત ચાલુ છે. આ યુદ્ધમાં રશિયા હજુ પણ યુક્રેન પર તબાહી મચાવી રહ્યું છે. આ યુદ્ધને લઈને પશ્ચિમી દેશો સતત રશિયાની ટીકા કરી રહ્યા છે. આ સાથે જ અમેરિકાએ ફરી એકવાર રશિયા પર નિશાન સાધ્યું છે.

એજન્સીના જણાવ્યા અનુસાર, યુએસ ડિફેન્સ સેક્રેટરી લોયડ ઓસ્ટીને રશિયા પર યુક્રેનમાં યુદ્ધ દ્વારા “ઇરાદાપૂર્વકની નિર્દયતા” કરવાનો આરોપ લગાવ્યો હતો. એમ પણ કહ્યું કે મોસ્કો જાણીજોઈને નાગરિકોને નિશાન બનાવી રહ્યું છે.

યુએસ ડિફેન્સ સેક્રેટરી લોયડ ઓસ્ટીને સિમી વેલી કેલિફોર્નિયામાં રીગન નેશનલ ડિફેન્સ ફોરમની બેઠકમાં જણાવ્યું હતું કે રશિયાએ યુક્રેન પર વારંવાર હુમલો કર્યો છે. બાળકો રશિયન હુમલામાં મૃત્યુ પામ્યા છે. ઘણી શાળાઓ નાશ પામી છે. હોસ્પિટલો ખંડેરમાં ફેરવાઈ ગઈ છે. ઓસ્ટીને કહ્યું કે રશિયા જાણીજોઈને યુક્રેનિયન નાગરિકોને નિર્દયતાથી નિશાન બનાવી રહ્યું છે.