રશિયન સૈનિકોની હવસખોર નજરોથી બચવા હવે આ કામ કરવા મજબૂર બની યુક્રેનની મહિલાઓ!

છેલ્લા 45 દિવસોથી રશિયા-યૂક્રેન વચ્ચે જંગ ચાલી રહી છે ત્યારે આ યુદ્ધથી યુક્રેનિયનોને થયેલા મોટા નુકસાન વચ્ચે યુક્રેનની મહિલાઓનું ગૌરવ પણ જોખમમાં છે. આપણે રશિયન સૈનિકોએ યુક્રેનમાં મહિલાઓના કરેલા શોષણની ઘણી વાતો સાંભળી છે. ઘણા કિસ્સાઓ સામે આવ્યા છે. ત્યારે હવે યુક્રેનની મહિલાઓ ઓછી આકર્ષક દેખાવા માટે પોતાના વાળ કાપવા મજબૂર બની છે.

મહિલાઓ કાપી રહી છે પોતાના વાળ

એક શહેરના મેયરના જણાવ્યા અનુસાર, ઘણી યુક્રેનિયન મહિલાઓ પોતાની જાતને રશિયન સૈનિકો દ્વારા થતા બળાત્કારનો શિકાર બનવાથી બચાવવા માટે તેમના વાળ કાપી રહી છે. એક અહેવાલ મુજબ, સૈનિકોના પરિવારની સામે જ મહિલાઓ અને છોકરીઓ સાથે બળાત્કારના કિસ્સા સામે આવ્યા છે.

ઓછી આકર્ષક દેખાવા માટે કરી રહી છે આમ

મહિલાઓ રશિયન સૈનિકોની નજરોમાં ઓછી આકર્ષક બનવા માટે પોતાના વાળ કપાવી રહી છે. ડેપ્યુટી મેયર મારિયાના બેસ્ચસ્તાનાએ કહ્યું કે એક ગામમાં બે બહેનો પર બળાત્કારનો મામલો સામે આવ્યો છે. બંને યુવતીઓની ઉંમર 15 અને 16 વર્ષની હતી. મહિલાઓને વાળ પકડીને ખેંચીને લઈ જવાતી હતી.

અપરાધોની નિષ્પક્ષ તપાસ કરે રશિયા

યુરોપ અને મધ્ય એશિયાના ચેરિટીના ડાયરેક્ટર વિલિયમસને જણાવ્યું હતું કે તેના સૈનિકો દ્વારા કથિત યુદ્ધ અપરાધોની નિષ્પક્ષ તપાસ કરવાની રશિયાની આંતરરાષ્ટ્રીય કાનૂની જવાબદારી છે. બળાત્કાર ઉપરાંત હિંસા અને હત્યાના ઘણા કિસ્સાઓ પણ સામે આવ્યા છે.