પંજાબના કપૂરથલા જિલ્લાના એક ગામની 40 વર્ષીય મહિલા તેના જમાઈ સાથે ભાગી ગઈ હતી. દીકરીના લગ્નને માંડ ત્રણ મહિના જ થયા હતા. પાંચ દિવસ પહેલા જમાઈ સાસરિયાના ઘરે આવ્યો હતો, જે સાસુ સાથે ભાગી ગયો હતો.
નવવિવાહિત પરિણીતા અને તેના દિયરે ગુરદાસપુરના પુરાણાશાલા પોલીસ સ્ટેશનમાં પોતાના ભાઈ વિરુદ્ધ ફરિયાદ નોંધાવી છે. મળતી માહિતી મુજબ કપૂરથલા જિલ્લાના એક ગામની રહેવાસી યુવતીના લગ્ન ગુરદાસપુરના એક ગામના યુવક સાથે થયા હતા.
પરિણીતા અને તેના દીયરે પોલીસને જણાવ્યું હતું કે, ફરાર યુવક વિદેશ જવાનો પ્રયાસ કરી રહ્યો હતો. આ કારણે તે ઘણી વખત તેની સાસુ સાથે બહાર જતો હતો. આ દરમિયાન સાસુ અને જમાઇ વચ્ચે પ્રેમસંબંધ ગાઢ બન્યો હતો.
તેને આ અંગેની જાણ ત્યારે થઈ જ્યારે યુવક પાંચ દિવસ પહેલા તેના સાસરે આવ્યો હતો અને પાસપોર્ટ બનાવવાના બહાને તેની સાસુ સાથે ક્યાંક ભાગી ગયો હતો. તમામ સંબંધીઓ અને અન્ય સંભવિત સ્થળોએ શોધખોળ કર્યા બાદ પણ બંનેનો કોઈ પત્તો લાગ્યો નથી.
40 વર્ષીય મહિલાને પાંચ બાળકો પણ છે. થાણા પુરાણશાળાના ઈન્ચાર્જ હરમિન્દર સિંહે ફરિયાદની પુષ્ટિ કરી અને કહ્યું કે આ બાબત તેમના ધ્યાન પર આવી ગઈ છે. ફરાર સાસુ અને જમાઈની શોધખોળ ચાલુ છે. બંને જલ્દી પકડાઈ જશે.