આંધળી અંધશ્રધ્ધા: ભાવનગરમાં મામા દેવના માડવામાં ભૂવાને વાગી તલવાર, તાત્કાલિક ખસેડવો પડ્યો હોસ્પિટલ…

આજે જ્યારે આધુનિક જમાનો ચાલી રહ્યો છે ત્યારે પણ ઘણા લોકો અંધશ્રધ્ધાની આડમાં એટલો ઓતપ્રોત થઈ જાય છે કે તેઓ કઈ પણ કરી બેસે છે. અને અવારનવાર આવા કિસ્સાઓ સામે આવતા રહે છે. હાલમાં જ આવો એક કિસ્સો ગુજરાતના ભાવનગર જિલ્લામાંથી સામે આવ્યો છે. જેમાં મામાદેવના માંડવામાં ધૂણતા ભૂવાને તલવાર વાગી ગઈ હતી.

ટેક્નોલોજી ના યુગમાં ભૂવાને હોસ્પિટલ ભેગું થવાનો વારો આવ્યો છે અને એ પણ અંધશ્રધ્ધાને કારણે. આ ઘટના વિષે જાણીને તમે પણ ચકિત થઈ જશો. વાત એમ છે કે મામાદેવ ના માંડવા માં એક ભૂવો 2 તલવાર લઈને ધૂણી રહ્યો હતો. આ તલવાર ને પેટના નીચેના ભાગે રાખીને તે મામાદેવના પરચા બતાવી રહ્યો હતો. જે આપણને વિડીઓમાં જોવા મળી રહ્યું છે.

તેમ સ્પષ્ટ જોઈ શકે છે કે આ કરતબ દરમિયાન ભૂવાને તલવાર પેટમાં વાગી ગઈ હતી. અને લોહીની સરવાણી ફૂટી હતી. ધડધડ લોહી નીકળવા લાગ્યું હતું જેના કારણે તે લોહીલુહાણ થયો હતો. ભૂવાને પણ તરતજ આ વાતનો ખ્યાલ આવી ગયો હતો. લોહી નીકળતી હાલતમાં જ તેને તાત્કાલિક હોસ્પિટલમાં ખસેડવામાં આવ્યો હતો.

આ વિડીયો ભાવનગર ના જ કોઈ શહેરી વિસ્તારનો હોવાનું મનાય છે પણ ચોક્કસ કયા વિસ્તારનો છે તે જાની શકાયું નથી. હાલના અતિ આધુનિક યુગમાં પણ લોકો અંધશ્રધ્ધામાં વિશ્વાસ કરી રહ્યા છે તે જોઈને એમ થાય છે કે આપણે હજુ ઘણા પાછળ છીએ.