ઘોર કળિયુગ હોય તેની પુરાવો રજૂ કરનાર એક ઘટના ભાવનગરથી સામે આવી છે. જેણે જાણીને તમે ચકિત થઈ જશો. જેમાં જાણવા મળ્યું છે કે, ભાવનગર શહેરમાં બબ્બે દીકરા હોવા છતાં તેમના વૃદ્ધ માતા ભીખારીની જેમ હાલતમાં શહેરના જવાહર મેદાનમાંથી મળી આવ્યા છે.
જ્યારે 181 મહિલા હેલ્પ લાઇનમાં કોલ આવ્યા બાદ તેની ટીમ દ્વારા આ વૃદ્ધ માતાને તેમની દીકરીના ઘરે મોકલી દેવામાં આવ્યા છે. તે બાબત દર્શાવે છે કે, દીકરાની તુલનામાં દીકરી સમાન નહીં પણ ચડિયાતી જ હોય છે.
પ્રાપ્ત માહિતી અનુસાર, ભાવનગર હેલ્પ લાઇન 181 પર આજે કોઇનો કોલ આવ્યો હતો કે એક અંધ બહેન અહિંયા રોડ પર બેઠેલા છે અને કાંઇ પણ બોલતા નથી. જેમાં એ અંધ બહેન જવાહર મેદાનમાં હોવાનું જણાવવામાં આવ્યું હતુ. આ વ્યક્તિ તેને જવાહર મેદાનમાં મુકવા આવ્યો હતો ત્યાંથી તેણે 181 પર કોલ કરી દીધો હતો.
જેના કારણે 181 નો સ્ટાફ ઘટના સ્થળ પર ચાલ્યો આવ્યો હતો. તે દરમિયાન તે અંધ બહેન સાથે વાતચીત કરવામાં આવી હતી. તેમની સાથે ઘનિષ્ઠ વાતચીત કરતા અને આ સ્થળે તમને કોણ મુકી ગયું? તેવો પ્રશ્ન પૂછતા જવાબમાં વૃદ્ધ મહિલાએ રડતા અવાજમાં કહ્યું હતુ કે, તેમને જે ભાઇ આ ગધેડિયા ફિલ્ડમાં મુકી ગયા હતા તે તેનો દીકરો જ રહેલો હતો. તેની સાથે જાણવા મળ્યું કે, આ વૃદ્ધ મહિલા ભીખ માંગીને જીવન પસાર કરી રહી હતી.
વૃદ્ધ મહિલા પાસે પૈસા હોય ત્યારે તેમના દીકરા તેને સાચવતા પણ જ્યારે પૈસા ખાલી થાય ત્યારે ગમે તેમ કરીને ગમે ત્યાં તે મુકી આવતા હતા. ગધેડિયા ફિલ્ડમાં રહેનાર બીજી બહેનો દ્વારા કહેવામાં આવ્યું હતુ કે, તેમના દીકરીનું ઘર બતાવતા તેઓને તેમના ઘરે મુકવામાં આવ્યા હતા. આ દીકરીએ પોતાના પરિવારને આ અંગે જાણકારી આપતા જણાવ્યું કે, તેને બે ભાઇઓ છે જે વારંવાર મારી બાને ગમે ત્યાં મુકીને ચાલ્યા જાય છે.