ક્રિકેટર શમીની પત્ની હસીન સાથે ચાલતી ટ્રેનમાં… ચેકિંગ સ્ટાફ પર લગાવ્યા આરોપ

ભારતીય ક્રિકેટર મોહમ્મદ શમીની પત્ની હસીન જહાં સાથે છેડતીનો મામલો સામે આવ્યો છે. તેણે 14 ઓક્ટોબરે રેલવે ટિકિટ ચેકિંગ સ્ટાફ સામે ગેરવર્તનનો આરોપ લગાવ્યો છે. ક્રિકેટરની પત્નીનું કહેવું છે કે ગુરુવારે જ્યારે તે બિહારથી કોલકાતા ટ્રેનમાં મુસાફરી કરી રહી હતી ત્યારે તેની સાથે આ દુર્વ્યવહાર થયો હતો.હસીન જહાંના જણાવ્યા અનુસાર, તે તેના એક સંબંધીના લગ્નમાં હાજરી આપીને બિહારથી કોલકાતા પરત ફરી રહી હતી.

તેને કોલકાતા જોગબની એક્સપ્રેસમાં અપર બર્થ ફાળવવામાં આવી હતી. પણ નીચેની સીટ ખાલી હતી. આ દરમિયાન, એક સાથી મુસાફરની વિનંતી પર, તે નીચેની સીટ પર શિફ્ટ થઈ ગઈ.જહાંના કહેવા પ્રમાણે, જ્યારે હું માલદા સ્ટેશન પર આવી ત્યારે એક ટીસી/ટીટી અને એક વ્યક્તિએ મને ઉંઘમાંથી ઉઠાવ્યો અને મને ખૂબ જ ખરાબ રીતે પૂછપરછ કરી.

આ દરમિયાન તેણે મને સીટ પરથી હટાવતા મારો મોબાઈલ પણ ફેંકી દીધો હતો. આ ઘટના બાદ મેં રેલ PSOમાં ફરિયાદ નોંધાવી હતી.તેણે આગળ કહ્યું, આગળનું સ્ટેશન ફરક્કા હતું, જ્યાં મારી ફરિયાદ સાંભળવામાં આવી હતી. તે હાલમાં પોલીસ સુરક્ષા હેઠળ છે, અને તેના વર્તનથી ખૂબ નારાજ છે. ખબર નહીં આ લોકોએ સામાન્ય જનતા સાથે કેવું વર્તન કર્યું હશે.

તમને જણાવી દઈએ કે હસીન જહાં અને મોહમ્મદ શમીના લગ્ન વર્ષ 2014માં થયા હતા. પરંતુ વર્ષ 2018માં હસીન જહાંએ શમી પર ઘરેલુ હિંસા અને મેચ ફિક્સિંગ સહિત અનેક ગંભીર આરોપો લગાવ્યા હતા. જોકે, બીસીસીઆઈએ તપાસમાં શમીને નિર્દોષ ગણાવ્યો હતો અને તે દેશ માટે રમી રહ્યો છે. હાલમાં તે ટી20 વર્લ્ડ કપ 2022 માટે ભારતીય ટીમ સાથે ઓસ્ટ્રેલિયામાં છે.